Կազմակերպության մասին

 

«Պրոֆմոնտ» ՍՊԸ-ն հիմնադրվել է 2007 թվականին:

 

Իր գործունեության ընթացքում ընկերությունն դարձել է առաջատար ինժեներական ընկերություններից մեկը, հաստատել է ամուր կապեր եւ ձեռք է բերել ինչպես տեղական, այնպես էլ միջազգային կազմակերպությունների եւ շինարարական ընկերությունների վստահությունը: Մեր կողմից կառուցվել են այնպիսի հաստատությունների ինժեներական համակարգեր, ինչպիսիք են Ծաղկաձորի «Մարիոթ» հյուրանոցը, «Royal» ժամանցի կենտրոնը, Հայաստանի ազգային օլիմպիական կոմիտեի սպորտային ավանը, «Ռիվեռա» բնակելի թաղամասը, Վրաստանի խորհրդարանի շենքը և Արդարադատության տունը և այլն: Ընկերությունն անընդհատ մասնակցում է ոլորտին վերաբերվող միջազգային ցուցահանդեսների, որի շնորհիվ իր հաճախորդներին է ներկայացնում լուծումներ՝ համաշխարհային շուկայում բարձր համբավ վայելող արտադրողների կողմից:

 

Ընկերությունն առաջարկում է ինժեներական կոմունիկացիաների կառուցման համալիր լուծումներ: Մենք իրականացնում ենք նախագծում և մոնտաժ՝ 

 

  • ջեռուցման համակարգերի
  • ջրամատակարարման եւ ջրահեռացման համակարգերի
  • օդափոխության համակարգերի
  • անվտանգության համակարգերի
  • ներքին էլեկտրական ցանցերի
  • կաթսայատների
  • չիլերների
  • պոմպակայանների
  • հակահրդեհային համակարգերի
  • ավտոմատ ոռոգման  համակարգերի,

 

սանիտարական սարքերի ներմուծում և տեղադրում,

 

ինժեներական համակարգերի սպասարկում:

 

«Պրոֆմոնտ» ՍՊԸ-ն  ՀՀ ամենաարագ զարգացող ընկերություններից մեկն է, որի աշխատանքի հիմքում ընկած են՝

 

  •  ոլորտում ամենաբարձր որակավորում ունեցող մասնագետների խումբը
  •  առաջարկվող ծառայությունների ցանկի անընդհատ ընդլայնումը
  • ոլորտում  ներկայացվող նորարարությունների յուրացումը
  •  պատվիրատուների իրական պահանջների բացահայտումը
  • միջազգային արտադրողների և ինժեներական կազմակերպությունների հետ համագործակցությունը:

 

Ընկերության առաքելությունն է՝

 

Դառնալ ՀՀ առաջատար ինժեներական ընկերությունը, որը կօժանդակի մարդկանց՝ որակյալ բնակարաններ և աշխատանքային միջավայր ունենալու պահանջի բավարարմանը, կստեղծի նոր աշխատատեղեր, կնպաստի ոլորտում բարձրակարգ մասնագետների ուսուցմանը և կապահովի բարեկեցիկ կյանք ընկերության աշխատակիցների համար:

 

Մեր ընկերությունն առանձնանում է՝

 

  • ինժեներական համակարգերի կառուցման աշխատանքների կոմպլեկտ լուծումներ առաջարկելով՝ սկսած նախագծման աշխատանքներից մինչև հետսպասարկում
  • թիմային աշխատանքով
  • բարձր որակավորում ունեցող ինժեներների և մասնագետների խմբով
  • ինժեներական համակարգերի կառուցման հարուստ փորձով ինչպես Հայաստանում, այնպես էլ Հայաստանից դուրս
  • ինժեներական համակարգերի նախագծման  և կառուցման ղեկավարման ունակություններով և փորձով
  • աշխատանքի բարձր արդյունավետությամբ
  • շինարարական ուրույն մշակույթով, որի հիմքում ընկած են աշխատակիցների անվտանգությունը և կազմակերպվածությունը
  • կառուցված համակարգերի հետագա 24-ժամյա սպասարկումով: